Habari fupi niliyoandika kuhusu “Person of the Year” nimeitia minofu zaidi na hivyo kuwa makala ndefu ambayo imechapwa kwenye gazeti la Mwananchi la tarehe 31, Desemba 2006. Bonyeza hapa uisome. Katika toleo hilo kuna makala kiboko aliyoandika Freddy Macha kuhusu mwanamuziki wa Tanzania, Vitali Vitalis Maembe, na mwanamuziki aliyefariki hivi karibuni, James Brown. Tafadhali soma makala hii. Nimeirudia mara mbili. Isome mwenyewe, utaniambia. Bonyeza hapa. Unaweza pia kusikiliza wimbo wa Vitali Vitalis uitwao Sumu ya Teja katika ukurasa wake wa Myspace. Sikiliza nyuzi anavyozidonoa. Na ngoma zile zikimsindikiza. Pia bonyeza hapa utazame video ya wimbo wake wa Salaam Aleykhum (shukrani Gotta kwa kiungo hiki). Dakika chache zilizopita nilikuwa nasikiliza wimbo wa Kilimanjaro wa Freddy Macha. Midundo yake ilinifanya niwe nacheza huku nikiandaa chai. Bonyeza hapa uusikilize.

**Msomaji Gotta katupatia kiungo chenye maneno ya wimbo wa Vitalis wa Sumu ya Teja. Bonyeza hapa uyasome.

Kama wewe ni mpiga picha au mwanablogu wa picha, bonyeza hapa usome jinsi utakavyoweza kuuza picha zako. Kwa wale wanaopenda kujenga tovuti zao wenyewe ila hawana ujuzi au muda wa kujifunza toka A hadi Z, bonyeza hapa. Kisha kama wewe ni mwanablogu na unapenda kutumia huduma inayopiga picha tovuti au blogu ambazo umeweka viungo vyake katika mambo unayoandika (kama unavyoona inavyokuwa katika viungo nilivyoweka hapa), bonyeza hapa. Hizi zote ni makala fupi mpya nilizoweka kwenye Mwongozo wa Wanablogu.

Nilipokwenda India, ukiacha suala la kusafisha macho, nilihudhuria mikutano miwili. Mikutano hii ni ule wa Global Voices Online na wa pili uliitwa Hibiscus Project. Mkutano wa Global Voices ulifanyika kwa siku mbili. Nilijaribu, ingawa mtandao-usiwaya uliniangusha, kuandika yaliyojadiliwa siku ya kwanza ya mkutano huo. Bonyeza hapa usome niliyoandika toka ndani ya mkutano (jua kuwa niliandika bila kupitia na kuna mambo mengi pia ambayo yalinipita sikuyaandika). Siku ya kwanza ilikuwa wazi kwa mtu yeyote ambaye alikuwa amejiandikisha. Mkutano wa siku ya pili ulikuwa ni wa wahusika wakuu wa mradi huu ambapo masuala ya ndani yalijadiliwa. (more…)

Nilipokuwa India nilisema kuwa huenda dunia haijapata kuwa na madereva makini (na wanaoendesha kwa fujo wakati huo huo) kama madereva wa India. Huenda ulidhani kuwa ninatania au ninakuongopea. Sasa kuna ushahidi ujionee mwenyewe. Madereva wale sitakaa niwasahau. (more…)

Kuanzia tarehe 26 Desemba hadi tarehe 1 Januari baadhi ya watu wenye asili ya Afrika Marekani na kwingineko duniani husherehekea sikukuu ya Kwanzaa. Ni kipindi cha kutafakari masuala ya familia, historia, utamaduni, na jumuiya kwa kupitia dhana ya Nguzo Saba. Ni kipindi cha kusalimiana kwa Kiswahili, “habari gani,” “nzuri.” Sitaandika kipya, nitakachofanya ni kuchimba ndani ya blogu yangu na kuibua mambo niliyoandika huko nyuma juu ya siku hii. Hii tabia ya kuanza kuchimba mambo ya nyuma naanza kuipenda (ingawa inaweza kufanya mtu ukawa mvivu wa kuandika mapya. Lakini ina utamu wake, jaribu utaona). Makala ya kwanza kuhusu Kwanzaa inaitwa “Kwanzaa: Meza ya Umoja (na khanga za Mnazi Mmoja).” Bonyeza hapa uisome.

Makala ya pili kuhusu Kwanzaa inaitwa “Somo, Ngoma, na Tambiko la Kwanzaa.” Bonyeza hapa uisome. Tafadhali tafakari kuhusu Nguzo Saba za Kwanzaa.

Kila mwaka gazeti la Marekani la Time huwa linachagua mtu ambaye huitwa “Person of the Year.” Wakati mwingine huweza kuwa ni mtu zaidi ya mmoja. Kwa mfano, mwaka jana walichaguliwa mwanamuziki Bono, Melinda Gates na mumewe Bill Gates. Huko nyuma walikuwa wakitumia maneno “Man of the Year” wakati ambapo kuna wakati watu waliochaguliwa walikuwa ni wanawake. Basi baadaye wakabadili kuwa “Person of the Year.” (more…)

Uchovu usio na kifani. India, nitarudi tena. Nitakukumbuka daima. Nipumzike kwanza kabla ya kukupa picha halisi ya safari ya India na pia taarifa zaidi za mkutano wa Global Voices (ambao ndugu Egidio alishiriki na kupewa nafasi ya kuongea kwa Kiswahili mbele ya washiriki wote kwa dakika chache). Wakati napumzika, ningependa kukuacha na tafakari ya huu “mkumbo wa kadamnasi” uitwao Krisimasi. (bonyeza hapo chini umalize kusoma habari hii):

(more…)

Ndio jibu ninalowapa watu ninapokuwa nakatiza mitaa fulani fulani hapa India ambayo imekaakaa kinamna. Hii ni mitaa ambayo wenyeji wananiambia niwe macho nikipita huko. Basi nikipita mitaa hiyo nikiulizwa nafanya kazi gani mimi huwaambia kuwa ninafundisha Kung-Fu. Mimi eti ni mwalimu wa Kung-Fu. Kisha nawaonyesha mbwembwe kidogo kama za Bruce Lee akiwa kwenye sinema ya Enter the Dragon na kuwauliza kama wanamfahamu. Wengi wanasema wanamjua, basi nawaambia kuwa mimi hufundisha watu kupigana kama Bruce Lee! (more…)

Ukipewa maji ya kunywa yaliyoko ndani ya chupa ukiwa jijini Delhi, haina maana kuwa hayo maji ni yale “spesho.” Inawezekana kabisa kuwa ni maji yaliyochemshwa kisha yakawekwa ndani ya chupa za maji ya dukani! (more…)

Bonyeza hapa utazame picha za tarakilishi ya mapajani ya watoto kwa ajili ya nchi zinazoendelea iliyoletwa kwenye mkutano wa Global Voices, jijini New Delhi. Picha hizi kapiga mwanablogu Egidio. (more…)

Bado ulimi wangu unawaka moto. Pilipili. Acha tu. Basi ukija India mitaa niliyokatiiza ukaniulizia kwa jina la ndesanjo, hutanipata. Baada ya kuona kuwa kwa Wahindi wengi hata neno Tanzania ni gumu kutamka, basi niliamua kuwaambia kuwa naitwa Gandhi! Ukija ulizia kama wanamfahamu yule Gandhi wa Afrika. Watakwambia, “Aah, tunamjua. Alikuwa akipita hapa kijiweni usiku na kutuuliza maswali kibao na kutaka kujifunza kihindi.” Basi ndio mimi huyo. Wanaweza pia kukwambia kuwa mifuko ya suruali yangu ilikuwa imetunatuna. Ila hawajui kuwa mfukoni nilikuwa nimeweka bisibisi, mawe, na zana nyingine za kujilinda!!Nikijitokeza barabarani dakika hiii, utasikia madereva teksi na wachuuzi wakiita, Gandhi, Gandhi, Gandhi! Wananifurhia kiasi ambacho nadhani hadi ukifika wakati wa kuondoka nitakuwa nimeshapewa mungu wangu! Unakumbuka nilikwambia kuwa India ina miungu wanaozidi idadi ya watu hivyo hawataluwa na uchoyo wa kunipa mungu mmoja au wawili. Nami sitakataa. (more…)

Habari hii, Hii Ndio India, ningependa kuiwekea viungo kadhaa lakini sina subira hata kidogo. Mtandao hauna kasi kabisa. Viungo nitaweka wakati mwingine. Msome Mental Acrobatics na pia Egidio ambao walikuwa kwenye mkutano leo hii hapa Delhi.