Baada ya kumsikiliza kwa zaidi ya miaka 20, ninaondoka sasa hivi kwenda kumtazama Gregory Isaacs. Hakuna mwanamuziki wa rege ambaye ameweza kuandika na kuimba mashairi ya kimahaba kama Gregory Isaacs. Gregory anajua kumlilia mwanamke utazimia mwenyewe. Mwanzoni nilipoanza kumsikiliza, kutokana na hisia za Kirasta sikupenda sana muziki wake maana niliona analilia mwanamke sana badala ya kutoa “ujumbe.” Kumbe mashairi ya kimapenzi nayo yana nafasi yake kwenye jamii. Sikujua hili.

Naelekea Ziggy’s Rock kumtazama akiwalilia dada zetu: be my number one, night nurse…bonyeza hapa umtazame akiimba Night Nurse. Katika rege dunia ambazo zina midundo hasa ya kirege ni wimbo huu wa Night Nurse. Sikiliza gitaa la sauti nzito lilivyotulia. Sikiliza ngoma zinavyopigwa kwa madaha…ta! ta! ta! “I dont wanna see no doctor…There is no prescription for me. You are the one, the only remedy…Night Nurse…all the pain is getting worse…,” anaimba. Sikiliza ile miguno yake. Mnunulie mwenzi wako muziki wa Gregory Isaacs.

Kama uchaguzi katika nchi za Afrika ni zoezi lisilo na mbele wala nyuma, basi uchaguzi wa Nigeria unaweza kuchukuliwa kama ndio kilele cha zoezi hilo: wizi wa kura, fujo, mauaji, vituo vya kupiga kura visivyo na masanduku, masanduku ya kura kulala nyumbani kwa mgombea, idadi ya kura kuzidi wapiga kura, vitisho, n.k.

Basi wakati uchaguzi huu ukifanyika na hata wakati wa kampeni mimi nilikuwa naeleza macho kwenye teknolojia. Nilikuwa natazama jinsi ambavyo teknolojia ilikuwa ikitumika. Jana nikatoa makala kwenye ukurasa wa GV (kuanzia sasa nikisema GV ujue ninamaanisha Global Voices Online) kuhusu teknolojia na uchaguzi nchini humo. Makala hiyo, ambayo imeandikwa katika “ile lugha yao”, inaitwa: Blogs and the Nigerian Elections: Will We Stop Talking About Our Cats And Shoes For One Day?. Bonyeza hapa uisome. Jiulize, je tunapata mafunzo gani ambayo sisi wanablogu na wanateknolojia tunaweza kuyatumia nchini kwetu?

Video ya Wclef Jean na watoto wa Afrika wakiililia Rwanda. Tazama watoto wa Mama Afrika jinsi wanavyocheza kwa madaha na kuimba kama ndege wa asubuhi.

Nimeiweka video hii hapa maana siku za hivi karibuni nimekuwa nikiitazama Zimbabwe na kujiuliza: kama ndugu zetu karibu milioni moja waliuliwa Rwanda huku tukitazama na ndugu zetu wengine wanauliwa dakika hii kule Darfur, Sudani huku tukielekeza macho yetu upande mwingine, tutawezaje kuokoa jahazi la Zimbabwe?

Narudi kwa Wyclef. Umewahi kumsikia akighani kwa Kijapani? Katika wanamuziki wenye madoido jukwaani Wyclef ni mmoja wao. Bonyeza hapa ujionee mwenyewe. Kichaa kweli. Ukichaa wa kisanii.

Iwapo ungependa kufanya kazi bila kwenda kazini…na una sifa za kutosha, basi usisite kutuma maombi yako. Global Voices Online imetangaza nafasi ya kazi ya Co-Managing Editor. Kazi yenyewe ni ya mtandaoni, ndio maana nikasema “kufanya kazi bila kwenda kazini” maana hutakuwa unaamka asubuhi kwenda ofisini. Watuma maombi toka nje ya Ulaya na Marekani wanapewa kipaumbele zaidi. Kazi kwako. Hela utakayolipwa kama unaishi Tanzania itakuwezesha kukodi mgahawa wa Intaneti kwa mwaka mzima! Yaani utaingia pale kwenye mgahawa na kuwaambia wafunge kwani “kuanzia sasa hii itakuwa ni ofisi yangu!” Bonyeza hapa usome tangazo hilo. Kama hufahamu vizuri Global Voices ni nini, bonyeza hapa.

Sio siri. Amatomu nimeipenda sana. Vincent Maher na Mathew Buckland wa Mail & Guardian la Afrika Kusini wamefanya kazi nzuri sana ya kutengeneza Amatomu. Hivi karibu nilikaa chini nikaamua kutazama Amatomu kwa undani na pia mawazo ya wanablogu kuhusu kikusanya habari hiki cha blogu za Afrika Kusini. Bonyeza hapa usome makala niliyoandika iitwayo, Amatomu: The South African blogosphere, sorted. Habari hii imechapishwa kwenye ukurasa wa GV.

Kile kikusanya habari cha Afrika, Afrigator (Africa + aggregator), kina huduma mpya, Afrigator Mobile. Hivi sasa unaweza kusoma blogu zilizoandikishwa kwenye Afrigator kwa kutumia simu yako ya mkono. Bonyeza hapa usome habari hiyo toka kwa Justin Hartman, mmoja wa waanzilishi wake. (more…)

Ukurasa wa Global Voices Online (GV) umebadilika. Mafundi wa ukurasa huu kwa miezi kadhaa walikuwa wakiukarabati ili uendane na wakati. Jumatatu wiki hii ukurasa huu ulizinduliwa rasmi. Mmoja wa waanzilishi wa Global Voices Online, Ethan Zuckerman, ametangaza ukurasa huu mpya kwa maneno haya: Our site is prettier than your site. (more…)

Viongozi wa serikali ya Mugabe wanajulikana kwa maneno yao makali kuhusu nchi za Magharibi. Nchi hizo zilipofikia uamuzi wa kuzuia haki za viongozi hao kutembelea nchi za Ulaya na Marekani, Mugabe na wenzake walikuja juu wakasema, “nchi za kibeberu hizo nani anataka kwenda huko?” (more…)

Wanablogu wawili wa Tanzania walipokutana Australia. Bonyeza hapa.

Kama ulipitwa na matokeo ya tuzo za blogu Uganda 2006, bonyeza hapa ujue waliozipokea. Ukisoma habari hiyo utaona kuna habari kuhusu matumizi ya ujumbe wa simu za kiganjani (Jeff Msangi: nimetumia “kiganjani”) kupinga hatua inayonuka rushwa na inayodharau kabisa umuhimu wa misitu duniani ya serikali ya rais anayependwa na wazungu, M7, yaani Yoweri Museveni kuipa kampuni ya kutengeneza sukari, Mehta Group, eneo la msitu huo. Sukari, kwa fikra za wezi hawa, ina faida kuliko msitu.

Baada ya habari za upuuzi huu kutangazwa, wanaharakati wakaamua kutumia ujumbe wa simu za kiganjani (SMS) kupinga uamuzi huo. Ujumbe huo ulikuwa ukihamasisha watu ili wasuse sukari ya kampuni hii ya magabacholi. Bonyeza hapa usome habari hiyo ya harakati dijitali dhidi ya wizi na uharibifu wa mazingira. Wanaharakati hao pia wanatumia Petitiontime.com kukusanya sahihi za watu wanaokemea uchafu huu. (more…)

Niliwahi kuandika makala huko nyuma nikiuliza hivi siku hizi mhariri mkuu ni nani? Nikasema kuwa kuna teknolojia zimekuja ambazo zinaondoa kazi ya kuamua habari zipi zikae ukurasa wa kwanza toka kwenye meza ya mhariri mkuu na kwenda kwa wasomaji kama mimi na wewe. Teknolojia hii ndio ilizaa tovuti ya Digg ambayo habari zake zinapigiwa kura na wasomaji ili kuamua zipi ziwe ukurasa wa mbele. Bonyeza hapa uone kura zikipigwa “live.” (more…)

Nilipoandika kuhusu Amatomu na Afrigator nilikuwa nimepanga kuweka orodha ya vikusanya habari vingine vya wanablogu wa Afrika. Nikapitiwa. Orodha hiyo hii hapa:KenyaUnlimited, NigerianBloggers, African Women Blogs (kama wewe ni mwanablogu mwanamke, tafadhali jiandikishe hapo, BlogAfrica na Mashada

**Kikusanya habari cha wanablogu wa Tanzania kitaingia mtandaoni hivi karibuni!
** Global Voices Online nayo hivi karibuni itazindua rasmi kikusanya habari cha blogu ambazo waandishi na wahariri wa Global Voices wanazifuatilia.

Kati ya habari za kufurahisha toka Afrika, kwa wale wanaofuatilia masuala ya teknolojia, ni kuanzishwa kwa vikusanya habari viwili vya nguvu: Afrigator na Amatomu. Amatomu, ambayo iko chini ya gazeti la kwanza Afrika kuingia mtandaoni, Mail&Guardian, inaorodhesha blogu za Afrika Kusini. Amatomu haionyeshi tu habari mpya bali inapanga habari hizo kwa kutazama blogu zipi zinasomwa kwa wingi. Ni kikusanya habari kinachoweka blogu katika madaraja. (more…)

Kwa siku 226, mwanablogu Josh Wolf alivuliwa jina lake na badala yake akavishwa namba. Aliitwa namba 98005-111. Josh Wolf alifungwa baada ya kukataa kuwapa polisi picha za video alizopiga kwenye maandamano kwa ajili ya blogu yake. Katika historia ya Marekani hakuna mwandishi ambaye amewahi kula ugali na maharage lupango kwa muda mrefu kama 98005-111 (yaani Josh Wolf). Niliandika habari yake kifupi huko nyuma. Isome hapa. Josh sasa kafunguliwa. Wakati akiwa jela wazazi wake walikuwa wakichapisha kwenye blogu yake habari anazowatumia toka jela. Bonyeza hapa uone video yenyewe iliyompeleka jela kwa siku 226. (more…)

JibJab ndio wale jamaa wanaotumia fani ya vichekesho, video, na webu kutoa uchambuzi wa kisiasa na kijamii. Ni aina fulani ya harakati dijitali. Walianza kujulikana walipotoa ile video ya “This Land.” Sasa wametoa video nyingine iitwayo, “What we call the news.” Mimi nimeiita “Kifo cha Habari.” Ukitazama video hii utaona umuhimu wa mageuzi yanayotokea katika nyanja hii ya habari. (more…)