Mkutano wa kila mwaka wa masuala ya uandishi wa habari barani Afrika, Highway Africa, utafanyika Septemba 10-13 nchini Afrika Kusini. Huu utakuwa ni mkutano wa 11. Waandaaji wa mkutano huu, kama wanavyofanya kila mwaka, wametangaza skolashipu kwa waandishi wa habari. Bonyeza hapa kwa taarifa za skolashipu, kisha, kama wewe ni mwandishi wa habari, tuma maombi ili ukajumuike na waandishi wenzako kubadilishana mawazo na kujifunza.

Discovery Channel inatengeneza filamu kuhusu utamaduni wa Wamakonde nchini Msumbiji, Black Canvas. Watengenezaji wa filamu hii wana masaa 15-20 ya filamu yanayohitaji kutafsiriwa toka Kimakonde kwenda kiingereza (kwa malipo). Kama unaongea lugha hizi, wasiliana na jamaa hawa kwa anuani hii: kelly[at]halfyardproductions.com.

Hadithi fupi toka Kenya zinahitajika na jamaa wa kampuni ya vitabu ya Ishmael Reed kwa ajili ya kitabu cha mkusanyiko wa hadithi fupi za Kenya. Mhariri wa kitabu hicho atakuwa ni Mukoma wa Ngugi. Soma tangazo lenyewe hapo chini na anuani ya kutuma hadithi hizo:

Ishmael Reed Publishing Co. is looking for new (and preferably not
published elsewhere) short stories by Kenyan authors to be published
in January, 2008. Translated work from any of the Kenyan languages is
particularly welcome. Please send your short story, accompanied by a
short author biography, to the anthology editor, Mukoma Wa Ngugi, at
mukomangugi@yahoo.com with the subject heading, Kenya - new short
fiction. The submission deadline is July 15th, 2007. The file
should be attached, in MS Word and not more than 20 pages double
spaced.

Huko nyuma nilitangaza nafasi za skolashipu za kuhudhuria mkutano wa TEDGlobal 2007 - Africa: The Next Chapter utakofanyika Arusha Juni 4-7. Kuna walioomba. Wako waliopata na wengine hawakupata. Maisha yanaendelea. Sasa mkutano ndio siku imekaribia. Sijui kama kuna mkutano mwingine ambao umewahi kufanyika Afrika ambao umekusanya kwa pamoja vingunge wa masuala ya teknolojia, biashara, na ujasiriamali. TEDGlobal ni mkutano wa aina yake. Bonyeza hapa utazame watoa mada. Utaona kuwa mwanamuziki Youssou N’Dour atahudhuria na kutumbuiza. Wakuu wa kampuni kama Google, Amazon, Sun Microsystem, n.k. watakuwepo. Jikomboe nayo itakuwepo. (more…)

Toka mwaka 2000, kumekuwa na tamasha linalofanyika kila mwaka kwa jila la Idea Festival. Tamasha la mwaka huu linafanyika kule alikozaliwa Muhammad Ali, Louisville, Kentucky, Septemba 13-15. Sijawahi kuhudhuria hata tamasha moja. Ila mwaka huu nitahudhuria na kuwa mmoja wa wazungumzaji, ambapo nitaongelea masuala ya teknolojia na Afrika. Bonyeza hapa kwa orodha ya wazungumzaji na taarifa zaidi za Tamasha la Fikra.

Majuzi Global Voices Online ilipokea dola za Kimarekani 244,000 kwa ajili ya kazi ya uhamasishaji. Fedha hizi zitatumika kutoa mafunzo na kuhamasisha watu au makundi mbalimbali kutumia teknolojia za blogu na podikasti. Mradi huu wa uhamasishaji umepewa jina la Rising Voices. Mkurugenzi wa Uhamasishaji, David Sasaki, ameandika kwa kifupi juu ya mradi huu. (more…)

Mjadala ulikuja, ukapita. Wana Jikomboe wa New York walinipokea vizuri. Shukrani. Balozi wa Sudani alikuwemo, kinyume na taarifa kuwa asingetokea. Wakajadili. Tukasikiliza. Ikapita. Darfur, damu na machozi vinamwagika.

Nilidhani kungekuwa na wanablogu wengine, hasa wale wanaoandika masuala ya siasa ambao wamejaa New York. Hapana, nadhani ingekuwa Washington DC wangekuwemo. Mwanablogu mwingine aliyehudhuria ni Rebecca MacKinnon, mmoja wa waanzilishi wa Global Voices Online na mwalimu wa uandishi wa habari wa mtandaoni Chuo Kikuu Cha Hong Kong. (more…)

Paul: How much longer for the US going to wait?
Lauren: The US interest in Sudan is humanitarian. We are not there for oil, regime change or anything

John: The ambassador has said something that I totally agree with. He said we should stop threats of sanctions, yes we should stop threats and impose the sanctions. It is time for action.
- We have the opportunity to end this conflict: We have China becoming sensitive to the conflict (China sent a special envoy), France: France has a leverage and now it has a new president. The third axis is the US. At this point we need to act, speeches about the genocide should be banned.
- We need to act within the framework of the UN (security council)

Susan: we just heard the ambassador that the government will stop attacking the rebels if they rebels sit down and talk. Then, what is the US doing to make this happen?
Lauren: We have been working to bring these rebels together. We would like to see the AU and the UN to lead the process.

Ambassador: Solutions wont be found in the streets of Paris or Washington. Rebels need to be told that they should talk to the government.
- Those who are talking about China are targeting China-Africa relations (more…)

The debate has begun….
Paul Holmes from Reuters introducing the panelists:
Mia Farrow (actress and UN Goodwill Ambassador)
Abdalmahmood Mohamad: Sudanese Ambassador to the UN
Lauren Landis: Senior Representative to Sudan, U.S Dept. of State
John Prendergast: Senior Adviser, International Crisis Group
Ann Curry: NBC News (more…)

Niko kwenye ule mji ule ulioshambuliwa kwenye ile tarehe inayofanana na namba za simu za polisi…tisa, moja, moja. Muda mchache ujao nitakuwa naandika moja kwa moja toka kwenye mdahalo huu. Bonyeza hapa usome kuhusu mdahalo wenyewe. Ninawakilisha jumuiya ya wanablogu wa Afrika, hivyo ninatakiwa kuandika kwa lugha ambayo watu wengi zaidi wataelewa. Hivyo Jikomboe kwa muda mfupi itakuwa ya kiingereza! Tafadhali, kama una swali lolote ambalo ungependa wana mdahalo waulizwe, liweke kwenye kisanduku cha maoni. Kama mwakilishi wa wanablogu, nitakuwa na muda wa kuuliza maswali yanayonijia toka mtandaoni. Habari zaidi unaweza pia kwenda kwenye tovuti ya global voices online.

*Taarifa nilizozipata hivi sasa ni kuwa balozi wa Sudani ameingia mitini. Eti hatahudhuria!

Shirika la habari la Reuters huwa linaandaa mijadala ya masuala mbalimbali ya kisiasa, kiuchumi, na kijamaa kwa jina la “Reuters Newsmakers.” Mwaka jana kulikuwa na mjadala kuhusu Umoja wa Mataifa (ambao Fela alikuwa akiuita Dis-United United Nations) na mwingine kuhusu uwajibakaji wa makampuni kwa jamii. Tarehe 24 mwezi huu kutakuwa na mjadala mwingine ambao wameuita, “Dealing with Darfur - what is at stake?” (more…)

Hivi unamfahamu mtumishi wa serikali ya Kenya anayejibu maswali ya wananchi mtandaoni?
Ingawa teknolojia mpya siku hizi zinawawezesha wananchi kuwa na mawasiliano ya moja kwa moja na viongozi wao na pia kurahisisha upatikanaji wa habari za umma kwa wananchi, bado viongozi wa nchi nyingi duniani hawatumii teknolojia hizi. Tovuti nyingi za serikali zimejengwa kwa mtazamo wa zama tunazozitupa mkono. Zama za serikali kuongea na wananchi ila wananchi hawaongei na serikali. Serikali zinapika vyakula na kuwapa wananchi. Wananchi wanakula, wakivimbiwa hakuna wa kumuuliza. Au wa kumuuliza yupo ila hakuna njia ya kumuuliza. Serikali isiyo na njia au uwezo wa kuongea na wananchi, kujua wananchi wanafikiria nini, ni serikali tabia zake zinafanana na genge la majambazi. Bonyeza hapa usome habari ya mtumishi huyu wa Kenya anayebadilishana mawazo na wananchi mtandaoni.

Huenda umewahi kukutana na watu kama hao. Eti wanasema, “Waafrika hawahitahi teknolojia kama kompyuta, Intaneti au blogu, wanachohitaji ni chakula, maji, na madawa.” Hoja yao ni kuwa nchi “masikini” kama za Afrika bado hazijaweza kutimiza mahitaji ya msingi ya watu wake, hivyo ni kosa kuanza kuongelea masuala ya Intaneti, blogu, wikipedia, teknolojia huria, n.k. Acha kabisa kusema hivi. Koma. Naelewa hoja yao ingawa sikubaliani nayo. Jibu langu huwa ni hili: tunahitaji vyote. Hili sio suala la “ama hiki, ama kile.”

Juzi nilichapisha makala pale Global Voices Online iitwayo: Conservation 2.0: Congo Park Rangers Bring Global Attention To Endangered African Wildlife . Nilitumia tarakimu 2.0 nikifananisha mradi wa WildlifeDirect na dhana ya Webu 2.0. Ukimaliza kuisoma hii makala sitaki kukusikia ukiendelea kuniambia kuwa hatuhitaji teknolojia. Ukome!…nakutania, una haki ya kuwa na mtazamo ulio nao. Ila angalia usipitwe na upepo wa mabadiliko. (more…)

Mental Acrobatics kapata habari hii toka kwa The Alpha Quadrant kisha akatugawia. Habari inahusu mdahalo wa wagombea wizi mkuu (yaani Urais) nchini Kenya. Mdahalo huu utaonyeshwa moja kwa moja mtandaoni kupitia Icecast. Msome Mental au Alpha ili upate taarifa zaidi.

Nafasi za uongozi wa Jumuiya Ya Wanablogu Tanzania zimetangazwa. Iwapo una uwezo wa kuongoza, tafadhali ingia uwanjani tukupigie kura. Bonyeza hapa usome maelezo. Tayari tuna wagombea wawili: Rasta Luihamu Ringo anagombea nafasi ya uenyekiti na Mzee wa chakula cha mawazo, Simon Kitururu, anagombea nafasi ya Ukatibu. Bonyeza hapa na hapa utazame wasifu wao.

Huenda.
Kama hakusoma pale Chuo Cha Sanaa Bwagamoyo, alijifunza wapi kucheza mdundiko na kupiga ngoma za Kiafrika kukushinda hata wewe Mwafrika halisi? Mti Mkubwa, ulipokuwa pale chuoni uliwahi kumuona? Unabisha Joji hajui kukung’uta Djembe? Tupinge…utanipa nini? Bonyeza hapa umuone kwa macho yako mwenyewe. Niliitazama jana ila hadi leo bado nacheka. Lakini iliyonichekesha zaidi ni hii hapa. Hivi aliwezaje kuwa rais?

RSS (Really Simple Syndication) ni moja ya zana ninazoziweka kwenye kundi la “teknolojia za kutunza muda.” Iwapo unatumia mtandao kupata habari, maarifa, na elimu lakini hutumii teknolojia za kutunza muda, ninakushauri uanze kufanya hivyo. Zamani ilikuwa mtu unaingia mtandaoni, unapita huku na kule ukitafuta habari. Leo hii zana kama RSS zinachofanya ni kufanya habari unazozitaka zikufuate na sio wewe uzitafute.

Nimesoma maandiko ya watu wengi wakielezea RSS. Lakini hakuna waliofikia kazi ya Common Craft ambao wametengeneza video fupi (ndio, wala sio ndefu. fupi tu) ikielezea kwa njia rahisi kabisa RSS ni kitu gani na ni vipi inaweza kukusaidia wewe kama msomaji au mwanablogu. Ukiitazama utakubaliana nami kuwa hawa jamaa wamefanya kazi nzuri sana kwa kuweza kuielezea zana hii kwa njia nyepesi na ya kibunifu. Bonyeza hapa uitazame, ujifunze, kisha uanze nawe kutumia RSS ili utunze muda.

Zana kama RSS ni moja ya mambo niliyozungumzia kwenye makala niliyoandika kwa ajili ya wanahabari Tanzania. Tovuti nyingi za habari kwetu hazijaanza kutumia RSS ingawa ni teknolojia rahisi sana kuitumia. Bonyeza hapa usome makala hiyo: Wanahabari, Karibuni Ndani.

Tafadhali fuatilia yanayoendelea kwenye Jumuiya ya Wanablogu Tanzania. Nafasi za uongozi zimetangazwa. Wenye uwezo na nia ya uongozi wajitokeze tuhangaike nao. Bonyeza hapa kwa maelezo zaidi. Pia tazama nembo mbalimbali za jumuiya. Tunapaswa kuchagua nembo moja. Nembo ya namba 1, nembo namba mbili, nembo namba tatu, na nembo namba nne. Tumefika hatua hii toka tulipoanza safari yetu siku ileeee…

Muhtasari wa blogu za Kiswahili katika GV toka kwa Mwandani. Bonyeza hapa.
——-
Muda mfupi uliopita nimepata taarifa toka kwa White African ya zana iliyoundwa na jirani zetui wa Kenya iitwayo Jahazi. Bonyeza hapa ujionee mwenyewe. Unajua zama za mapinduzi ya viwanda ulikuwa huwezi kushindana na “mzungu” maana mtaji uliohitajika wakati ule ulikuwa ni mkubwa, zama hivi za habari na mawasiliano, tunashikana mashati. Unachohitaji sana sana ni fikra na ubunifu. Jahazi imeundwa Kenya na inahifadhiwa Kenya.

Habari ya kuanguka kwa ndege ya Kenya, KQ507, imeleta majonzi kwa watu wengi. Wanablogu wa Kenya wamekuwa wakijadili kwa kina ajali hii. Majuzi niliandika kuhusu blogu za Kenya zilizokuwa zikijadili hii ajali. Bonyeza hapa usome habari hiyo (*habari hii iliandikwa kwa ajili ya Global Voices Online).

Wakati huo huo, jumuiya ya wanablogu wa Kenya, KenyaUnlimited, imejenga tovuti ya kumbumkumbu ya ajali hii. Bonyeza hapa.